No Partido Popular da Laracha miramos ó futuro con ilusión, traballamos no presente con responsabilidade e tamén queremos poñer en valor o noso pasado con orgullo. Por iso promovemos o Plan Especial de Patrimonio Cultural co propósito de ofrecerlle a máxima protección aos elementos máis destacados.
Queremos seguir descubrindo o importante que xa era A Laracha na Idade de Ferro como demostra o Castro de Montes Claros. Apostamos pola compra dos terreos, a pos terior limpeza do xacemento e a primeira escavación ar queolóxica que deixou á vista parte dos muros e fixo aflorar fragmentos de antigas pezas cerámicas. Agora estamos coa segunda escavación para continuar recuperando o castro mediante a investigación e a promoción sociocultural, e convertelo nun recurso e enclave de valor paisaxístico, turístico e didáctico para desfrute da cidadanía.
No último mandato tamén foi adquirido o menhir de Erboedo e incluído no Parque do Megalitismo da Costa da Morte para preservar o seu valor histórico e realizar as actuacións precisas para favorecer a súa conservación e acon dicionar os accesos.
Por iniciativa do PP xa está aprobada a compra por parte do Concello de todos os terreos vinculados ao conxunto arqui tectónico das Torres de Cillobre, que tamén serán obxecto de proxectos e iniciativas de restauración e posta en valor.
Continuaremos adquirindo os bens incluídos no Plan espe cial de Patrimonio Cultural, entre eles a Croa de Santa Baia.
Coa nosa xestión, o Concello logrou a cesión da casa reitoral de Montemaior, as súas dependencias anexas e a finca para transformar o conxunto nun espazo multifuncional que será empregado como punto de encontro para a veciñanza, albergue con vinte e cinco prazas e centro de referencia para o sector primario.
Tamén consideramos que son parte do noso patrimonio inmaterial os topónimos, polo que completaremos o plan a través do que incorporamos 73 nomes de lugares ao padrón municipal e están a ser instaladas placas en todas as vivendas rurais co seu número definitivo.
