Un concello como A Laracha estruturado en 13 parroquias nas que existen un total de 311 núcleos de poboación co municados cunha rede viaria de 642 km require dun go berno local do Partido Popular comprometido coa mellora, ampliación e a conservación en bo estado das estradas, tanto as das tres vilas como as situadas en zonas rurais, in cluíndo as forestais e de acceso a zonas agropecuarias.
Estamos orgullosos do que logramos coa nosa xestión na AC552: crear un itinerario peonil continuo de máis de 7 km de distancia que discorre desde Paiosaco, pasando por A Laracha e O Cancelo, ata Proame. Precisamente ese úl timo tramo, que afecta ás parroquias de Cabovilaño e Le maio, é o que está actualmente en fase de execución. Seguiremos apostando pola creación deste tipo de sendas noutras estradas vertebradoras das comunicacións no termo municipal a través dun plan de mobilidade segura.
Cun goberno municipal do PP, A Laracha seguirá integrada no Plan de Transporte Metropolitano, por medio do que se subvencionan no noso concello 70.000 viaxes en autobús cada ano para facilitar o acceso dos cidadáns ao transporte público e favorecer a mobilidade sostible. Para un maior confort dos usuarios, xa está aprobado un plan de renova ción das marquesiñas que inclúe a instalación de 18 novas ao longo da AC552. Do mesmo xeito, levaremos a cabo un plan municipal de mellora das marquesiñas en zonas urba nas e rurais.
Tamén actuamos para potenciar o transporte público trans formando a parada de taxis da Laracha, mellorando a accesibilidade nese entorno xunto á Praza do Concello e creando unha marquesiña adaptada ás necesidades dos profesionais do sector.
Cremos nos aparcamentos disuasorios como unha ferra menta efectiva e valiosa para mellorar a mobilidade nos nú cleos urbanos. Por iso seguiremos apostando pola creación de espazos destas características nas vilas da Laracha, Paio saco e Caión. Nas parroquias tamén queremos aumentar os espazos de estacionamento en puntos estratéxicos. Xa temos aprobado un proxecto para o Igrexario de Lestón e crearemos outro no entorno da igrexa de Golmar.
Pelexaremos pola inclusión no proxecto da Vía Verde da antiga vía de ferrocarril SantiagoA Coruña do tramo de máis de 4 km de distancia que discorre polo termo munici pal da Laracha entre Boedo e Meirama. Suporá a creación de novos espazos que favorezan a mobilidade sostible, in crementen as oportunidades para practicar actividade física e reforcen o potencial turístico do noso concello.
Seguiremos demandando doutras administracións as me lloras que consideramos prioritarias, especialmente nas vías provinciais PaiosacoCaión, A LarachaEstrada de Caión (por Lendo), A LarachaCanteira de Soandres e rematar a estrada A LarachaA Silva.
