Querido/a veciño/a:
A Laracha é o Concello no que nacín, crecín, me formei como persoa, creei a miña familia e establecín o meu pro­ xecto de vida. É por iso que considero que ser alcalde é o maior orgullo para un político, porque é unha honra ser es­ collido polos veciños cos que comparto o meu día a día para tratar de resolver os problemas que lles preocupan, mello­ rar a súa calidade de vida e facer do noso municipio un lugar mellor para vivir e convivir.
Durante o tempo que levo como alcalde atravesamos xun­ tos diferentes etapas e contextos económicos e sociais. O mandato que está finalizando foi especialmente complicado porque desde o Concello tivemos a enorme responsabili­ dade de afrontar a pandemia do coronavirus estando xunto á veciñanza, acompañándoa, informándoa e asistíndoa nos casos nos que foi necesario. Foron meses difíciles para todos nos que, como sempre, dei o mellor de min desde os valores do compromiso coa cidadanía, a proximidade, a se­ riedade e a transparencia.
Pero neste período tamén houbo momentos para recordar cun sorriso, como a creación da nova zona deportiva xunto ao IES Agra de Leborís, a construción do centro sociocomu­ nitario de Caión, a posta en valor do patrimonio histórico municipal e outras tantas actuacións realizadas nos núcleos urbanos e no rural.

Agora seguimos tendo retos no horizonte para A Laracha, proxectos ambiciosos nos que teño moitas ganas de traba­ llar e a ilusión de poder facelos realidade xunto ó meu equipo, un grupo de homes e mulleres que representan ás trece parroquias do Concello e que combinan a experiencia dos máis veteranos coas ideas renovadas da xuventude. Neste documento que tes nas túas mans facemos un per­ corrido polos principais logros que alcanzamos nos últimos catro anos de xestión municipal e explicamos o programa que queremos levar a cabo ata 2027. A razón de ser desta candidatura do Partido Popular é que A Laracha continúe sendo un Concello de oportunidades para emprender, progresar e formar o teu proxecto de vida. Preséntome á reelección co aval da xestión responsa­ ble e inconformista dos últimos anos e coa promesa de es­ forzarme para estar á altura do que A Laracha merece, que é moito. O 28 de maio conto coa túa confianza e impulso ó mellor proxecto de futuro posible para o teu Concello. Vota polo Partido Popular da Laracha.

Qué Fixemos

• Construción do centro sociocomunitario de Caión.
• Pistas polideportivas, skatepark e circuíto de calistenia na Laracha.
• Ampliación das sendas peonís da AC 552 en Cabovilaño e Lemaio.
• Adquisición de espazos no entorno dos CEIPs Otero Pedrayo e Alfredo Brañas.
• Posta en marcha do servizo de atención temperá.
• Incremento das partidas destinadas ás axudas municipais á escolarización.
• Ampliación do programa Harmoniza: aumento das prazas en Madrugadores e creación do servizo de Canguros.
• Plan de eficiencia enerxética na iluminación pública e nos edificios municipais.
• Plans de apoio ao comercio local e ao sector hostaleiro.
• Medidas urbanísticas e fiscais para potenciar a implantación de empresas no polígono industrial.
• Posta en marcha do viveiro de empresas.
• Creación da Aula Mentor e homologación de instalacións para accións formativas.
• Adquisición dos terreos do Castro de Montes Claros, carballeira de San Fins e menhir de Erboedo.
• Plan de renovación de parques infantís e instalación de novos parques biosaudables.
• Construción da área de recreo canino.
• Potenciación dos programas municipais de actividades culturais, deportivas e de envellecemento activo.
• Plans municipais de mellora da rede viaria.
• Implantación do contedor marrón e de aceite, e incremento da recollida de voluminosos.
• Recoñecementos dos distintivos ambientais Bandeira Verde e Vilas en Flor.
• Posta en marcha do programa A Laracha Activa.
• Programas de intercambio internacionais para a xuventude.
• Impulso ás festas de interese turístico.
• Impulso ás redes sociais municipais co servizo de información por Whatsapp.
• Humanización de rúas nos núcleos urbanos.
• Incremento de horas do servizo de axuda no fogar.

Qué faremos

• Parque empresarial.
• Ampliación do punto limpo e melloras das redes de abastecemento e saneamento.
• Plan estratéxico de medio ambiente.
• Creación dunha área de estacionamento e pernocta para autocaravanas.
• Creación dun albergue xuvenil municipal.
• Apoio á creación dun centro BTT comarcal.
• Apoio á posta en marcha dun centro comarcal público para a xestión da recollida de cans e gatos abandonados.
• Creación dunha plataforma dixital de venda en liña a disposición dos comercios.
• Inclusión no proxecto da Vía Verde.
• Construción de novas sendas e mellora da rede viaria.
• Incremento do apoio económico ao tecido asociativo.
• Impulso dun proxecto de arte urbano.
• Creación da senda litoral en Caión desde Augacae ata o límite con Carballo.
• Posta en marcha da oficina da dixitalización e incorporación de novas aplicacións informáticas para facilitar o acceso aos servizos municipais.
• Construción dunha nova praza pública no Igrexario de Lestón.
• Seguiremos demandando a implantación de novas especialidades médicas.
• Impulso de rutas histórico turísticas: inclusión da Laracha na Vía Mariana Luso Galaica, recreación da ruta de Alfonso IX e estudo da Vía Céltica.